బ్రహ్మశ్రీ చాగంటి కోటేశ్వరరావు గారు కాకినాడ వాస్తవ్యులు. శ్రీ శారదా మాత అనుగ్రహముతో అనితర సాధ్యమైన ధారణపటిమతో అనర్గళమైన ప్రవచనములకు ఆయనకు ఆయనే సాటి. మానవ ధర్మం మీద ఆసక్తి తో అష్టాదశ పురాణములను అథ్యయనము చేసి తనదైన శైలిలో సామాన్యులకు సైతం అర్ధమయ్యే రీతిలో ప్రవచనాలను అందిస్తూ భక్త జన మనసులను దోచుకున్న ఉపన్యాస చక్రవర్తి, శారదా జ్ఞాన పుత్ర, ఇత్యాది బిరుదులను అందుకున్నటువంటి మహా జ్ఞాని.

మండల దీక్షతో 42 రోజుల పాటు సంపూర్ణ రామాయణమును, 42 రోజుల పాటు భాగవతాన్ని, 30 రోజుల పాటు శివ మహా పురాణాన్ని, మరియు 40 రోజుల పాటు శ్రీ లలితా సహస్ర నామ స్తోత్రమును అనర్గళంగా ప్రవచించి పామరుల మరియు పండితుల మనసులు దోచుకొని విన్నవారికి అవ్యక్తానుభూతిని అందించి, కాకినాడ పట్టణ వాస్తవ్యులనే కాకుండా ఎంతో మంది తెలుగు వారికి దేశ విదేశ వ్యాప్తంగా తనదైన శైలిలో ఎన్నో అమృత ప్రవచనములు అందజేయుచున్నారు.

వారు ఇచ్చిన ప్రవచనములను అందరికీ అందుబాటులో ఉంచాలని చేస్తున్న ఈ చిన్ని ప్రయత్నం శ్రీచాగంటి.నెట్.

బ్రహ్మశ్రీ చాగంటి కోటేశ్వరరావు గారి దంపతుల దివ్య ఆశీర్వచనములతో ఈ వెబ్ సైటు లో మీకు ఎప్పటికప్పుడు అన్ని రకముల ఆథ్యాత్మిక అమృత ప్రవచనములను, పూజ/భక్తికి సంబంధించిన వివరములను, అనేకమైనటువంటి ఆసక్తికరమైన విశేషములను మీకు అందజేయాలని సంకల్పిస్తూ మా ఈ యజ్ఞాన్ని సహృదయముతో ఆదరిస్తూ ఆశీర్వదించమని సదా మిమ్ములను కోరుకుంటూ...
సదా మీ సేవలో
శ్రీచాగంటి.నెట్